أهلا اصدقائي
غيبة سنه ادري بس
اليوم كنت اسمع لذا فيوتشر :


وجا هالمقطع اللي يقول فيه سيث قودين صاحب اشهر مدونة
أن الطريقه الوحيدة لتواجة الخوف في مساله كتابه البوست للبلوق هو انك تكتب كل يوم  سواء كان عندك شي تقوله او لا 

بعد ١٠٠ يوم مستحيل ماتكون كاتب افضل والأهم حتى لو ماكنت كاتب افضل اقلها راح تعرف انك كاتب سئ  بس اذا ماكنت تكتب عمرك ماراح ماتدري ايش الجواب ؟

عشان كذا قررت اني اسوي هالشي وراح اواجة الشرير اللي كل مره افتح يوست ( ابغا اكتب شي) يجي يقولي  :
- وانتي وش دراك ؟!
- ومين انتي حتى تقولين هالكلام ؟!
- اقولي روحي خلصي اشغالك
- خلي البلوقات لاصحابها 
هههههههه فضيع الخوف حقي تكسير مجاديف صح

بس سواء كان الكلام صح او خطا راح اكتب قرقعة قلبي تحملوا << ماسوا خير هالقودين

نبدا :

الاحلام  ، كثير صرنا نسمع انه لازم تتبع حلمك كيف ماكان ووين ماكان سواء تماشى مع بيئتك او لا او تطلب فقدان اعز احبابك ، الحلم انك تستعد لكل شي فيه وتتبعه بكل ماأوتيت من قوه .
، بالنسبه لي
كنت مقتنعه تمام الأقتناع أن حلمي اذا راح من ايدي فانا تخليت عنه
بينما ممكن يكون رحيل هالحلم قدر يخبئ لي قدر ثاني اجمل بكثير
على مدى ٦ سنين بعد التخرج
اكتشفت ان الأحلام المفترض انها تجلب لنا السعاده مو التعاسه وفقدان أساسيات حياتنا ، ولما تقابلنا عوائق اسريه او ماديه ضروري نفكر
ونتخطاها او نأجل احلامنا لفتره الى مانقنع اسرتنا فيها , او نستعد ماديا لها
في وقت التأجيل ضروري نستعد ذهنيا نطور انفسنا للافضل ونركز اكثر
لاتحزنين اذا انحرمتي من حلمك ، لاتكرهين أهلك او أسرتك او  بيئتك او المانع اللي منعك عن هالشي .











فكري أنه ( لعله خير ) فكري يمكن توقفك هذا في خير لك بانك راح تاخذين طاقه في مجال ثاني وترجعين لحلمك

 الاساسي بكل قوه , وكليها لرب العالمين
 فكري بطرق مختلفه ولاتستعجلين عطي نفسك وحلمك الوقت تذكري ان أبطا الامور انجحها ، وبقدر مامشيتي بتأني وبثقه بقدر مابنيتي صح .
دائما الأسره هي الاساس , كل حلم بالحياه يتعوض كل الامال راح يرزقك رب العالمين بأجمل منها دامك استشعرتي فضله عليك بس رضا رب العالمين ثم رضا اسرتك والجو الاسري الحميمي اللي تعيشينه لاتفقدينه بسبب حلم





هالكلام اناأاكلم نفسي فيه قبل ماأحاكيكم ..
او يمكن أحلامكم لقت قبول من البيئه اللي انتوا فيها بس يمكن في أحد صار له نفس اللي صار من العقبات واضطر انه يوقف بكى وحزن ، وخنقته العبره في كل ذكرى لحلمه  .
 بس صدقوني اللحضه اللي تفقد فيها حلمك او يخيل لك أنك فقدته لحضه صعبه مره يمكن تنهار , يمكن تكره الحياه ،، تفكر ياربي انا كل يوم قبل انام ماكنت افكر ألا بهالشي انا اعيش يومي وهالحلم قدام عيني ، أنا سعدت بكثير لحضات بحياتي بسبب ان هالشي بقلبي كيف يروح مني كذا ؟
لحضات تفقد حلمك لما خلاص تحس ان بينك وبينه خطوه بعد ٩٩ خطوه خطيتها باقي خطوه ويجيك شي اكبر منك ويحرمك منه .
يمكن في كثير ناس مو فاهمه اللي اكتبه بس اللي اضطر يتخلي عن أحلامه بسبب اقوى منه راح يفهم كل حرف كتبته
,

اللحضه اللي تفقد فيها حلمك ,
اختبار لقوتك أختبار لكميه الصبر اللي راح تتحملها ,
أول يوم بعد فقدان حلمك زي اول يوم فقدان عزيز على قلبك راح تكون صعبه أيامك ، راح تخنقك العبره كل ماتذكرت انك فقدت هذا الشي .
فعيشي فتره الحزن ضروري تعيشينها هالفتره بعدها راح تجيك أفكار ذهبيه تقويك للصدمات اللي بعدها
، اكتبي هالفتره ، اكتبي كل شي تحسين انه راح يفيدك في الفتره الجايه ،
خذي وقتك في أنك تعتادين عالعيشه بدون حلمك .
احزني ابكي فضفضي لأحد قريب وواعي بمدى محبتك لهالحلم وكميه تعلقك فيه ,  لاتفضفضين لأحد مايعرف أيش أمانيك لأنه راح يقولك كلام يزيدك ضياع ، صلي واستغفري كثير الله قادر يجبر قلبك ، ويعينك على حزنك .

في كثير ناس تقولك حارب من أجل حلمك وكلمات تحسسك بانك ضعيف اذا وقفت . 
صحيح الأصرار والعزيمه شي جميل بس لحضات تقدري تعيدي صياغه أفكارك أو تعيدين ترتيب أحلامك ,
ممكن تضلين تسعين لحلمك بس بطرق أخرى غير اللي انت متعوده عليها
ولو كانت القدره أكبر منك وشفت أن الموضوع يحزنك او الحرمان هذا يكسر فيك شي .
مو غلط أبدا انك تاجلي مو غلط انك تغيري الحلم أنك تشتغلي على شي ثاني الا أن يحدث الله بعد ذلك أمرا
الحزن العميق مجرد وقت راح يضيع وحاجه راح تهز شخصيتك وتغير نضرتك للحياه بشكل سلبي .
,
رب العالمين يعطينا الصحه والعافيه والكره الارضيه وكل شي فيها عشان نسعى عشان نغير عشان نتعلم
انت تحصري نفسك في مربع وشي معين ليش ؟
الحياه فيها أشياء جميله
وأيه ادري :
راح تقولي بس انا ماأتمنى الا هالشي ابغا الحلم اللي حلمت فيه طول عمري .
,
لا انتي حلمتي باشياء كثيره بس ركزتي على هالحلم
فكري في الأشياء الثانيه اللي كنتي تحلمي فيها وابدي فيه
طيب خلاص ..
 حزنك الطويل راح يغير شي ,, طيب اذا انت مشيتي ٢٠ خطوه  عشان توصلي لحلمك وتوقف بقدره قادر
. فكري في ٨٠ خطوه الثانيه .
,


  اشتغلي بشي ثاني هدنه نفسيه عشان نفسك عشان روحك هذي هي أهم شي بالحياه .
أهم شي قلبك هذا مايتعب بالحزن لأنك تحتاجيه يكون سعيد لأن في حلم ينتضرك في لحضه راح تفرح فيها ..
وتقولي ان أجمل شي بالحياه اللحضه اللي انحرمت منها من هالشي لان اللحضه هذي صنعت لي مستقبل ثاني أجمل أجمممل بكثير .
راح تضحكين كيف انا حزنت بهالشكل
,, احزني ,, ماأقول لاتحزني ,,لما تتعب على شي ويروح الحزن والألم شي طبيعي بس لاتطيلي الحياه فيه
,
عشان مايتتابع عليك عشان ماينهك روحك ويخليك ضعيفه وتصير الدنيا ابيض واسود وهي اساسا كلها ألوان
دقايق من عمرك تروح أيامك تمضي وانتي في حياه مأساويه ليش ؟
قومي ووقفي على رجيلك  ..  شوفي الأمكانيات اللي عندك طوري نفسك وامشي في حياتك
احنا خلقنا عشان نعبد رب العالمين و نسعد نفرح ونسعى في الحياه بما يرضيه
تذكري وعسى أن تكرهوا شرا وهو خير لكم
في أشياء في الحياه تكون أقدار تمري فيها عشان ربي يعطيك القوه  وتعلمك  التحمل للي جاي
أحتسبي الاجر وارضي وفوضيها لرب العالمين .
وباذن الواحد الاحد ربي ماراح يخيبك ويعوضك بأجمل منها .✨




واخيرا بالله مو صاير تصويري دراما بعض الشي 🧐 صايره احب هالمود بالتصوير