أهلا اصدقائي
غيبة سنه ادري بس
اليوم كنت اسمع لذا فيوتشر :
وجا هالمقطع اللي يقول فيه سيث قودين صاحب اشهر مدونة
أن الطريقه الوحيدة لتواجة الخوف في مساله كتابه البوست للبلوق هو انك تكتب كل يوم سواء كان عندك شي تقوله او لا
بعد ١٠٠ يوم مستحيل ماتكون كاتب افضل والأهم حتى لو ماكنت كاتب افضل اقلها راح تعرف انك كاتب سئ بس اذا ماكنت تكتب عمرك ماراح ماتدري ايش الجواب ؟
عشان كذا قررت اني اسوي هالشي وراح اواجة الشرير اللي كل مره افتح يوست ( ابغا اكتب شي) يجي يقولي :
- وانتي وش دراك ؟!
- ومين انتي حتى تقولين هالكلام ؟!
- اقولي روحي خلصي اشغالك
- خلي البلوقات لاصحابها
هههههههه فضيع الخوف حقي تكسير مجاديف صح
بس سواء كان الكلام صح او خطا راح اكتب قرقعة قلبي تحملوا << ماسوا خير هالقودين
نبدا :
اليوم (1)
قبل يومين لقيت وحدة من صديقاتي توها متزوجة في رمضان سافرت مع أهلها عمرة وجلست اسبوعين مع أبوها وأخوانها بدون زوجها . تقولي :
حسيت كيف أن مافي أحد زي ابوي وانه ... وانه ... وجلست تقارن بين زوجها وأبوها
وان الزواج مجرد هده حيل وتعب أقناع ورجال عنيد
قلتلها : اكيد ابوك مافي منه بالنسبة لك ، زي أم زوجك مافي منها بالنسبة له (أقصد زوجها )
قالتلي : انتي ماتشوفين علاقة ابوي بامي كيف تفتح النفس تفاهم واهتمام يخاف عليها ومايرفض لها طلب
قلت : ماشاء الله اجل الله يسخر لك زي ماسخر اهلك لبعض
لما رجعت البيت جلست افكر :
وليش ألومها نسيت لما كنت زيها بالضبط بداية أيام الزواج كان هالموضوع موجعني مره ليش زوجي مايهتم فيني مرة
بس بعد ٧ سنين اكتشفت ان المشكلة مو مشكلته المشكلة مشكله مخي
اول شي
الزوج شي والأبو شي ثاني كليـــــــــــــا
- محبه الزوج لي مكتسبه مع السنين والعشره والاهتمام اللي راح اعطيه له ممكن لاحضي ممكن تثمر ممكن لا
ان مااثمرت عاد احتسبي الاجر ياخيتي
- محبه ابوي فطريه مهما سويت ابوي عمره ماراح يشوفني الا حببية قلبه لو كسرت راسه بمشاكلي اللي مالها اول
من اخر.
ثاني شي :
المحبة اللي ابيها من زوجي انبنت من أماكن غلط
من أفلام ومسلسلات تطلع الزوج ماعندة لاشغله ولامشغله الا انا ماوراه شغل ومشاكل ومسؤوليات بالدنيا طبيعي راح تلهيه .
غير أن نص هالمسلسلات اللي كتبوها حريم وحققو حلم هالعشق بالمسلسلات ( اتبسطي ياحبيبتشي )
ثالث شي واللي تعلمته موخرا :
ان الزوج ماراح يحبني بين يوم وليله
الحين اقدر اقول اني وصلت لمرحله تفاهم جممميله جدا
بس لو فيني ارجع الزمن كانت قولت لنفسي ريلاكس ياانا
مافي شي بالحياه يسوى عندي ام ، اب ، اخوان ، أهل يحبوني فاهميني مااحتاج لاحد
اذا اهتم فيني الاهتمام اللي بخاطري ياهلا
وان مااهتم ماينقص منه ولامني شي
دامه قايم بامور بيته ويحترمني تضل بعض الاشياء مجرد كماليات
غير انه الاهتمام لحضات يكون باافعال مع رجال الصحراء اللي عندنا ( وداك عند اهلك يوم بدون كلام - طلعك السوق بوجة بشوش - قالك الله يعطيك العافية - جاب لك حلا وهو راجع من الدوام - دق عليك وقالك وش اخبارك )
هههههههههه حاجات ضعيفة ادري بس هذا هو رجل الصحراء تقبليه جاك واحد منهم بطبع التركي الرومنسي المليح خير وبركة وان ماجا بس فتحي عيونك شوي فيه اشياء كثثثيره بزوجك جممميله بس لاحضيها ويهون كل شي .
وحده من قرايبي دائمة الحلطمة عصبي ووكل يوم عزيمة ويبيني اروح كل يوم عند اهله ووو
بس بالرغم من كل هذا الا أنه سخي بشكل مو معقول بالرغم ان ماديتة متوسطة الا أن ماوراه ودونه لها ولعيالها
طيب والله هذا شي جمميل ياكم انسانه تعاني من بخل زوجها والود ودها بس يملي الثلاجة بس ودايم لما اذكرها تقولي اي والله هو مايقصر
طيب ليش دايم نبي الكمال بازواجنا ياليتنا نشوف النقص بأنفسنا ونصلحة وبعدها كل شي بيتصلح وتعدي الحياه بهدوء .
حلطمة نفسية مني ليا ^^
ماكنت الحق اوقف تصوير احس ان تفاصيل كثيره كنت ابغا اصورها الافكار توالت علي وفتحت الجوال ومجلداتي وارويها الصوره وتطبق بسهوله
لقطات خواتها لما وقفوا من بعيد وبعيونهم نضرات الفقده - قبلاتها للاطفال .. لقطات كثيره ماكنت الحق اصورها بجد لقيت نفسي على قولتهم . خلاص قررت بعدها اقلب مصوره اعراس وكني اسمع صوت اخواني بقولون تبطين عضما ياأختاه ,,
كانت تجربه جميله لاخر درجه والاحلى متعتي وانا اشوف اهلها يمدحون بالصور ويدقون يشكروني عليها واهل زوج اختها اللي طلبو رقم المصوره هنا انا رحت ملللح او انه كبر راسي شوي 
.JPG)
.JPG)
.JPG)
.JPG)
