كثير
ناس وشخصيات اتابعها بمدونات يشكون من قل التعليقات .. وبعضهم جد ياخذها بزعل
ويسكر المدونه .. وشفتها بكم وحده
ليش
.. ياقماعه ؟!
..
انتي
لما بديتي تدوين .. كنت تبغين تنقلين خبره .. وتجارب حياه هذا هو التدوين اكيد
جميل اننا نلقى متابعين
وعالم تتقبل
تدويناتنا بحب
وتحتوي كلماتنا بلطف بس تبقى ردودهم وتعليقاتهم حاجه جميله تعطينا دفعه معنويه بس
ماتخرب على هدفنا الاساسي .
يوما ما اعجبتي بمسأله التدوين .. دخلت مزاجك .. عششت فيه .. حسيتي انو جا الوقت اللي تفيدين غيرك وتتكلمين عن ارائك بحريه .. قو انشريها وبكل ثقه .
مجرد
زوار مدونتك بالاحصائيات لو قليل حاجه .. تخلي قلبك يرفرف .. ان في احد قاعد يسمعك
..في احد يقرا افكارك ..
في
ممكن احد ورا الشاشه قرا مدونتك صدفه ، ماكان يدور لها اصلا بس افكارك اثارت
اهتمامه ، يمكن تكلمتي عن شي داخل نفسه مو قادر يعبر عنه .. يمكن واسيتيه في
ناحيه من حياته بمجرد انك كتبتي عن موقف يشابه موقفه وعبرتي عنه باحساس ..
وبطريقه هو ماقدر يعبر عنها ..
حنا
لحضات لما نجلس مع بنات وتجي وحده تسولفلي عن موقف ينرفزها او يحرجها او يضايقها
بشي اقولها بحماس صاادقه والله تصير لي كثير .
ومن
قلبي يطلع سمايل زي كذا .. يعني مو انا بس هذي تعتبر مواساه وتخفيف
.
اعتبري
التدوين حاجه زي كذا تسولفين عن نفسك .. ومع نفسك .. لاتتوقعين ان في رد راح يكون
من احد ..بتاتن البته .
دوني بشغف
/
/ 
اكتبي عن كل حرف عن كل كلمه
وفكره حسيتي فيها لاتقولين راح يستنكرها احد لا مايصير اكتب كذا >> هذي اراءك
انتي افكارك انتي .. انتي ايوا انتي .
انتي
شخصيه مستقله .. لك تربيتك الخاصه لك مواقفك .. دروسك بالحياه .. خبراتك .. مواقفك
السعيده والحزينه .. اشياء كثيره داخلنا ..
، احلام وامال ، 
امنيات ، واحزان
، هموم وتفاول ، وفرح ، واشياء كثيره
امنيات ، واحزان
، هموم وتفاول ، وفرح ، واشياء كثيره
لحضات علماء النفس اذا
زادو في الدراسه عن النفس البشريه يجيهم حالات !
او
مثل او مانسميهم نفسيات ويشطحون بافكار غريبه 
هلوسه
هلوسه
لان النفس البشريه
سبحان الله لها تكوينات هائله وتتعمق في اشياء كثيره وتوصل الي مالها نهايه ,, مافي
شخصيه تشبه شخصيه .,, كل القاده والعلماء حياتهم كانت وفق نمط مختلف ومواقف
بحياتهم وخبرات وصلّتهم لهالاماكن بعد قدره الله طبعا
..
هتلر
.. شخصيه سوت جرائم شنيعه ماتتخيلها البشريه .. كان شخصيه بلاقلب .. انعدام احساس
مع حنكه وخبره مع ان حياته بالصغر كانت سيئه جدا وكل مااشوف اجزاء البرامج
الوثائقي ودراستهم للعوامل اللي اثرت في شخصيته فعلا اشياء ممكن تصير لنا بس في حياته
اخذت منحى ثاني .. بسبب
شخصيته واشياء اخرى .
.
المقصد
:
..
ان كل
شخصيه بالحياه تشابه غيرها بنواحي بس ماتطابقها ابدا بتاتا البته معناه
ان انتي يااحلى انثى عندك شي جديد .. شي غير .. حياه مختلفه .. انتي انسانه فريده
من نوعك .يب يب فريده من نوعك .
.
افتحي
بلوق .. اكتبي حياتك وسيره حياتك لك ، خاطبي نفسك فتره وبعدها تلقائيا راح تخاطبين
مجتمع المدونات وتستمتعين . .
واحلى
مافي المدونات قليل اطلاق الاحكام وتكسير المجاديف ابدا مايقارن بالحياه الواقعيه
.. فراح تمشين خط مع التدوين وتكسبين خبرات اكثر . ..
اكتبي .. باخلاص /
اعطي
كل ماعندك .. اكتبي في
مكان هادي .. مكان رايق لاتكونين جوعانه.> تطلعلنا
مصطلحات كلها اكل
مو
شرط تكونين هاديه لحضات تكونين طالعه من موقف بغيض ومتوتره ومشاعرك مليانه بقلبك
تجين تكتبين هنا تطلع كلمات توصف تماما موقف واحساس غيرك .. الله يخلي ايامكم كلها
سعاده
عادي
تمشكلي مع اي احد .. وتعالي اكتبي .. عبري .. بمذكراتك الخاصه العامه محد حولك ابد
.
لحضات
ماودك تنشرينها بس المشاعر اللي فيك ماتتعوض ياقميله مايضر اكتبها وخليها بمسوده
ومتى ماطاب الخاطر وانفتحت اساريرك رتبي التدوينه وممكن حتى تضيفين عليها وانطلقي يامشاعر
...
اذا
كان موضوعك يحتاج تأكد معلومات ابحثي عن المعلومه واتعبي في البحث عنها .. عشان
تلاقين تعبك وتفيدين غيرك بحق .
ومع
الايام راح تحسين بمسؤليه لمتابعينك وتبدين تكتبين تدوينات عشانهم مخصوص وتخلصين
لهم تلقائيا .
بس اهم شي كوني نفسك .. شخصك انتي .. ممكن تكون افكار غيرك بس تدوينها بطريقتك
يعني مواضيع نشوفها بمدونات كثيره الموضوع نفس الموضوع بس طريقه التدوين لكل مدون تعطينا وجهه نضر مختلفه .
فكوني انتي .. لاغيرك .
الانطباع الاول والمضهر
\
مضهر
مدونتك له اثر .. اذا شفت بنوته مرتبه وتفتح النفس ارتاح لها وامكانيه اني اسوي
محادثه معها 90% واتقبلها اكثر من بنت شكلها مو مرتب .
مدونتك
نفس الشي .. الوان جميله .. مرتبه ،، شويت تنسيق .. عالجنب : حطي ادوات تفيد
المستخدمين مثل مواضيعك الاخيره او المميزه.
الارشيف
، صوره جميله ، حكمه بسيطه ، مدونات تحبيها ، نبذه عنك تعرفهم عليك ولحضات تجاوب
على تسؤلاتهم عن شخصك .
واشيا
راح تلاقينها ببلوقر واضافتها غايه بالسهوله .
من
من
تصميم >>تخطيط >>اضافه ادوات
.. لايصير واضح وكبير بشكل ياخذ مساحه
المكان ولانحس انا نطالع نمل ..رتبي خطك
وسط ، واحلى وارتب خط تاهوما .. وانتي لك حريه الاختيار ..
..
اتعبي
على التنسيق شوي
الفواصل ، علامات الترقيم ، الاشياء اللي تبغينها تنقال بصوت عالي حطي خطين تحتها ، عرضيها ، كبريها
حبتين .. نسقي الوانك مو فسفوري يحول عيني والا شي ماينقري.
.
وثقي
معلوماتك بصور . ..
طبعا مو عندنا برا >>
معلومه
سمعتها من مدون شايب كبير بالسن لاقت
تدويناته متابعين كثر فاستضافوه ببرنامج وسالوه عن سر المتابعين الللي
يتزايدون يوميا ؟!
قال
السر بالصور المليئه بمدونتي الناس تعشق الصور .
.
الصوره
لقطه تشرح الف كلمه فحاولي تدعمينه بتدويناتك .. انا احسها زي الاكسسوار اللي يلفت
انتباهي للبس ممكن يكون بدون الاكسسوار عادي جدا >>معليه افكر بطلعه
بكرا سلكو ايضا
الصور
راح تلفت انتباهي لتدوينتك اكثر من انها تكون بدون صور .وحاولي واحتسبي الاجر ان
ماتاثمين بصورك بانك تحطين صور ماترضي ربي وتأذي متابعينك وتخدش حيائهم
.
تكلمي مع نفسك /
حطي
ببالك ان متابعينك خيالين .. انتي وحده من المتابعين الخيالين .. دوني وانتي
تتخيلين ان متابعينك كثير بس خياليين >>ياليل النفسيه هههه
لاجد
حلو
نلاقي دعم بس مو كل شي .. خليك واثقه من نفسك .. واكتبي لانك انسانه واكيد في اشياء ماتقدرين تقولينها بالحياه الواقعيه ، يوما ما ممكن يصير لك
ضرف وتغيبين فتره او حتى سنين ترجعين تقرين حياتك قبل .. تسعدين بافكارك .. وارائك
الخاصه.
.
حاجه
جدا جميله كتابه المذكرات , لحضات اقرا مذكرات لي قديمه انصدم من افكاري ولحضات
احبها وارجع اقراها كم مره .
يعني
مسلا مسلا :
مره
قريت بمذكراتي بالمتوسط مذكره بعنوان لن اخون ابي ولو بنضره >>ارحمينا
وكانت
هذيك الايام فيه توعيه للبنات عن المغازل وعلى ايام البلوتوث البنات اللي ينضحك
عليهم من الذئاب ( الفتيان ) >>لسا
المصطلحات ببالي سلكو
فكنت
مقهوره واقول مستحيل ينضحك علي واني بنت رجال
>> اقولكم
كلام كبير اكبر من النتفه الي كانت تكتبه ..
قلت
بنفسي والله اني سنعه مااقدر على نفسي صراحى ^^فلما
رجعت اقراه >
فطبعا
لاتقارنون تدويناتكم بتدوينات بنت متوسط .. بس اعتبريها مرجع لك بعدين .. تستمعين
فيها .
واخيرا حاجه تخلي تعليقاتك تقل ان في ناس يجون يبون يكتبون لك تعليق يلاقون شي بغيض وانا جد مااحبه ابد بالمدونات ولحضات اتعيجز اكتب بسببه .. وفي مدونات انتبهت للموضوع وشالته اللي هو
(كلمه التحقق)
وطريقه
شيلها من المدونه بحيث اللي يكتبلك تعليق مايضطر يوقف عندها
هنا
من ايقونه تصميم
اعلى يسار الشاشه بمدونتك .
من
يمين الشاشه
والخطوات
مشاركات
وتعليقات >> اضهار كلمة التحقق >> اختاري لا
.
واخر شي : حفظ الاعدادات واستمتعي
بالتخفيف عن متابعينك اللطيفين
.
يمكن
انا ماني محترفه بالتدوين .. ولسا لي فتره قصيره .. بس هذي اشياء الاحضها مطبقه
بمدونات نجحت نجاح مميز .. ..
واحسها
اساسيه بالتدوين واحاول قد مااقدر اطبقها .. باذن الله .. وفيه افكار كثيره لتحبي التدوين وماذكرت منها الاالقليل واخيرا دوني بحب وشغف واهتمام وخلي نيتك بالتدوين ,,
انه شي من صنائع المعروف
.. وممكن يكون اوقات من باب اعانه مسلم .. ونفع مسلم ..
احنا لو نحتسب الاجر بكل عمل نعمله .. نفسنا وقلوبنا بترتاح وباذن الله بنلاقيه
بأخرتنا .
ربي يسعد ارواحكم دنيا وآخره ..~
عزيزتي : ..
دمتم بحب أحبتي اراكم في تدوينه اخرى .
. مشهوره بالعايله الكريمه وقت الزنقات بسرعتي في الترتيب 
بعدين البس شي واكيد المكان
. 
ولله
الحمد .. واغلبها بلايز او تنانير ابد ماالبسها او نادرا وبلايز مو معلقه
زين وتنانير طايحه من المعاليق والدنيا شوي وتصير اعصار
فككت كل شي وفرزت الملابس اللي مارح البسها
للجمعيه والبلايز اللي تنلبس نادر ا جدا بالصندوق بيجي بالصور
.
واسكره 
