الانستقرام 

الانستقرام ثوره اجتماعيه غيرت حاجات كثيره بحياتنا .. صار لنا عين في كل بيت وفي كل حياه 

فيها اشياء حلوه وفيها اشياء سيئه اول مافتحت الانستقرام كنت ابغا أتفاعل مع المجتمع يعني اشارك العالم حياتي يمكن تاثر او تفيد احد .

كنت من اول الناس اللي عرفو الانستقرام وكنت اقول لاهلي يسسوون .. ويحذفون مايعجبهم .

كنت اشارك العالم وكان لي صديقات عن طريق النت وكثيره تفاعل وماخذه السالفه وناسه وعايشه فيها

كان لسا الانستقرام مو ماخذينه الناس لعرض المضاهر والخرابيط والفخفخه

وبعدين ضافوني اول ناس من جماعه اهلي وبدت المجاملات اذا حطو صوره ماحطيت لايك انا زعلانه اذا علقو عندي وماعلقت عندهم انا ماخذه عليهم شي وياخذون مني موقف صارت الفيسات والكلام يشرح مشاعرنا تجاه بعض صارت المساله مراقبه بيوت وفلانه راحت وفلانه ماعندها .

وصلت لدرجه بجمعه وحده قالتلها ليش ماتردين عالواتس الساعه الفلانيه وانتي وقتها كنتي تسوين لايكات وتنزلين صور يعني موجوده

اييييش ايس كلام !!

ايش ياجماعه ردت ولاماردت هي ادرى بضروفها مو معناته أضفتكم عندي صرتو في بيتي ولزوم اسوي مقدار وهالنضام الرسمي اللي مو رسمي

هدو اللعب !

فعلا حسيت بالتغريده اللي تقول 

(اهلي احبكم , احترمكم , ولكن ابقو بعيدا عن حياتي الالكترونيه ) 

هذا غير الوقت ..

صدقا الوقت اللي ياخذه هالموقع منا ابدا مو شوي لانكذب على بعض اقل شي اربع ساعات تشوف اصحابك وتليلكلهم وتعلق عندهم وتتعرف على ناس جدد وعالمهم وبعدين انت مخلص ست ساعات وطفى الجوال كمان طالع مو بأرادتك ^^

طيب تعلمت شي ( ايوا شفت حياه الناس كيف ماشيه , طيب وحياتك ناضرتها شوي , حلمك اهدافك ,, ولاشي صفر )

ماانكر فيه فايده من الانستقرام بس تخيل لو نص الوقت تمضيه على شي تحبه

تهتمين بشي مضايقك في نفسك تحاولين تعدليه .. تمارسين هوايه تحبينها .. تقرين كتاب جديد ,, اقلها تتعرفين على مدونه جديده ..

تطلعين من هالاربع ساعات وانتي في شي في فكرك تغير للافضل .

كانت دايم هالفكره عندي بس ماوضحت الا لما هوني تكلمت عنها بجد وضحت لاخر شي وحذفت الحساب اللي فيه اهلي لاني بجد حسيتهم ساهر مو جماعتنا ,,

سفراتي طلعاتي ,, حتى لحضات الورد في حسابي زوجها مزعلها وراضاها وفي الاخير تطلع جايه من جمعه صحياتي ومعي ورد منهم او ياخي جبت لي ورد مغلف ايش المشكله 

الانستقرام اكبر غلط بالنسبه لي انك تضيف العائله وبالذات لما يكون مودك غير مودهم يعني انا مثلا احس عندي طموحات واحلام لو قلتها لوحده من جماعتنا ماراح تقدر طريقه تفكيري وراح تستنكرها  وبصير اختلاف بالراي وحساسيات وبتحس اني افضل منها او اني شايفه نفسي عليها وصدقا انا يهمني يكون بين اقاربي علاقه رسميه حلوه  .. بالذات الاقارب البعاد اللي مايعرفونك عن قرب .

المدونات .. تمبلر .. المنتديات .. فعلا كل دقيقه تتعب فيها محفوضه جهدك وتعبك .. وقتك راح تستثمره صح

, الانستقرام مفيد في اشياء للي يحبون ينشرون معلوماتهم ..

بس اذا كان عندك انستقرام عشان تدور افضل قهوه وافضل حلا وتصوره وتحطه صدقني انت تخسر كثير ..

يعني حتى الناس اللي احس جهدهم بالانستقرام مثمر اول شي اقولهم ليش ماتسوونه بمدونه تمبلر .. ولافجاه يتهكر وتضيع كل قاعده البيانات ويضيع تعبك والناس اللي تعزهم بهالموقع .

خلونا نحس اننا ناس مهمين واقاتنا محسوبه علينا ,, وبامكاننا نستثمرها باشياء تضيف لنا كثير بحياتنا .. وتحسن من مستوانا ,, وتخلينا نروح للافضل .. صباحكم أنجاز وعمل ونشاط ,

مجرد تدوينه صباحيه كانت عالبال والخاطر ..

نشوفكم في تدوينه اخرى متعوب عليها اكثر ومدعمه بصور واشياءات حلوه  .^^