اشتريت ماك برو مستعمل .
فبراير 16, 2018
كيف حولت للـ mac pro
في يوم من الايام كنت اجمع ريال على ريال عشان ابغا لابتوب ولانني وحده كنت متعوده على المكتبي لسنوات عديدة
ماكنت مقتنعه باللابتوب ايوا انا وحده قديمه احس الشغل مايصير شغل الا اذا صار على كمبيوتر مكتبي غبار ادري
المهم شريته اكبر مساحه , افضل معالج , اكبر شاشه
كان لينوفو جميل مره وصدقا مافي شي اسمه تعليق واحمل لين اقول بس ومايشكي من شي
ولانه شغلي كان ايديتنق ومونتاج فيديوهات فكنت احتاج كبرة ..
بس بعدها بسنتين قررت أني اغير ..
نضرتي للماك سابقا ..
لشي كنت اشوفه دايم وصراحه أحسه واو بس مو لدرجه اني ادفع فيه ٧ الاف
لا لا أخواني اهدا من كذا
بس كل مره ادور عن كمبيوتر سلس قوي ومايشكي من فيروسات او بلاوي بما أني شهيره في أني تفليل الكمبيوتر وجلب الفيروسات كنت ابغا كمبيوتر مو كل يوم رايحه جايه عالصيانه كل ماابحث الاقي كلمه راح تنسى الفورمات مع الماك (طعنه ) في قلبي
طيب والسعر الأليم ,, فقررت ادور على مستعمل من أمازون أو حراج وبما أن الماك خراباته قليله فأن شاء الله ماراح يكون فيه شي كبير .
واشتريته بس مو ب ٧ الاف ب ٣٥٠٠ ريال .
اشتريته مستعمل استعمال نضيف من حراج , جلست شهرين ادور على المواصفات اللي ابغاها
معالج ٥
سعه ٥٠٠
اصدرا ٢٠١٢ ومافوق
ومركب فيه قطعة SSD اللي تسرع الجهاز
.
اسعار هالمواصفات بالرغم من انه قديم الا انها غاليه ووصلت ل٥ الاف
ولاتفكر تكاسر لانه بيقولك حبيبي انت بتاخذ ماك برو
كنت اقول سلامات بعد عيني .
بس لما استخدمته اقدر أقول اني أنا اللي سلامات ..
ولقيت الحب لقيته بعد عيني فديييييته , كان حاطه صاحبه بدون صوره حتى وتواصلت معه وقالي انه مشغول والجهاز استخدمه فقط للافلام بعد ماتأكدت من كل شي أبغاه وسالته عن كل شي ومع ان ٣٥٠٠ كانت كبيره علي وتقدرون كنت اهوز هههه اشتري ولا لا بس غمضت عيوني ودفعت هع
, كان بالقصيم وأرسله لي فيديكس
كان التواصل من اخوي
فلما وصل مادريت انه وصل . جيت عند اهلي وقالي اخوي تشوفين هذاك الرجال حق لابتوبك هون عن البيعة
جاني احباط مو طبيعي لانها ثالث لاب نضيف افرح فيه ويجي شي يايهون صاحبه او يبيع او يصير شي
جلست على كرسي المطبخ عند امي اتحلطم وامي فديتها مكشوفه جلست تضحك وقالتلي شوفيه فوق بغرفتهم واعطيها ذيك الصرخه وطيران ماادري كيف وصلت هناك
وشفته
شفت اللي اعلن افلاسي ...
صدمة ..
مرا مرا مرا صغير بعد ١٩ انش ...١٣ انش جدا نقطه بين يدي , معليش ياجماعه م شويا تكبير . ترا فلست ترا .
ايش يميز الـ mac pro
الماتريال ,الجودة , ماادري من تحط ايدك عليه
يعطيك احساس بالمتانه بالفخامه
التفاصيل الصغيره زوايا اللاب , يمكن اللون الرصاصي الفاتح يكون السر
الاضاءه الرايقه باحرف المفاتيح والسحر الحقيقي عشان ماتجلس تتضارب وانت توصل الشاحن
ويايدخل بمربع اليوسبي او يضرب بالجهاز ويخدش لك الجهاز
بين اخر الشحان وفتحه مربع الشحن مغناطيس يجذبهم لبعض .
تفاحه ابل بالليل
التفاصيل البسيطه اللي تسحرك
ماادر كيف ينوصف بس
اول ماحطيته بين ايديني عطاني احساس جميل
وفخخخم
,
السلاسه : من استخدام ٣ شركات سحر السلاسه بالماك شي ثاني
يعني اول شهر استخدمته كنت ضايعه مااعرف اسوي شي
اي شي
اي شي
وبس رايحه ادور ب يوتوب
كيف اسوي ملف
كيف افتح مستند
كيف اصور الشاشة
كيف اصور الشاشة
واذا مالقيت
? ... how I can create
(هاو اي كان ) . على كل شي
جلست اقول يازين سهوله الويندوز
بس
بعد شهر استخدام وبحث سحرتني السلاسه / طريقه التصفح , فتح الملفات
يكفيك لما ترمي شي بسله المهملات ترمي بالصندوق ويعطيك صوت حلو هههههه شييك
اقتراب الاحرف بلوحه المفاتيح مخلي الكتابه سهله وسريعة
كل شي بسيط في الماك طريقه الاعدادات طريقه التعديل حذف البرامج
كلها فيها روح بساطه مختلفه .
الويندوز له طعم ثاني وصدقا الحين لحضات لما أرجع لكمبيوتري أحن
بس سحر الماك غريب يخليك تدمن الساعات على الكمبيوتر ولاتمل ولاتتعب .
,
شاشه الريتنا
شاشه الريتنا
جمال شاشه الريتنا الوضوح , والدقه والالوان المنطقيه
يعني الالوان الالوان مو الوان افتح او اغمق من الحقيقه
اليوتوب أمتع بكثير مع الريتنا
,
انسى التعليق
انسى التعليق
هالشي صعب يكون موجود وانت تستخدم فوتوشوب والستريتور وسوني فيغاس بنفس الوقت وتحتاج تتنقل بينهم بسهوله هذا بالويندوز
بس بالماك اشتغل ب٢٥ برنامج وصفحه مفتوحه وراح تخلص شغلك بدون تعليق ولما تجي تسكر الصفحات راح تنصدم من كمية الاشياء اللي تسكرها كيف كنت اشتغل وهذا كله مفتوح
وتقدر تخليه كله شغال وتسكر اللاب بس بدون ماتطفي يوم واثنين وجت لحضات اسبوع افتح واسكر بدون تعليق وكل شي موجود بأمان
وبعد ٣ شهور استخدام
اقدر أقول ان تغييري للماك كان أجمل شي صار لي هالسنة
أول شي صرت استمتع اكثر بالتدوين بالبحث بالدراسه اون لاين
ممادري ايش السر
بس باللاب القديم ماأكذب لو اقول انه تمر اسابيع وماأفتحة
بس بالماك ماأدري صرت استمتع اكثر وصار ادمان
ندمانه ؟ ايه ندمانه مره
اني ماحولت لماك من زمان
صدقا هو نفس السعر اللي شريت فيه اللينوفو
اكيد الجديد اغلا بس خيار المستعمل خيار جميل أهم شي تنتبه على ٤ تفاصيل
سنه الصنع : لأن أبل وقفت التحديثات للماك برو سنة ٢٠١١ وماتحت .
راح يشتغل الجهاز وكل شي بس كل تحديثات ابل ماراح توصلك .
عدد دورات الشحن : لكل بطاريه حوالي ١٠٠٠ دوره وبعدها البطاريه تكون غير فعاله وتضطر تشتري بطارية جديده سعرها حوالي ٥٠٠ ريال .
مهم عدد دورات الشحن من ماتزيد عن ٣٠٠ دورة .
SSD : قطعة تركب في الجهاز تسرعه بعد ال ٢٠١٥ صارت في كل الاجهزة
بس اذا كنتي راح تاخذين للي قبل ٢٠١٥ .
وفي الاخير
يمكن في ناس كثير ماتوافقني الراي وتفضل أنواع ثانية ..
بس هذا مجرد تجربه وحبيت ادون عنها
علها تنفع يوما ما .
علها تنفع يوما ما .
0 التعليقات
اسعدني برأيك ^^