انتي مو زيهم 

 اذا شفتي بنت تتكلم انها خصصت ٣ ساعات يوميا تاخذ كورسات في الرسم مثلا أو الخياطة وتجهز لها كوب من القهوه الساخنة وحلا وحياه جممميلة ~~

أحب اصدمك عزيزتي ان هالشي راح يصير مره في السنة اذا كنتي أم وعندك اطفال صغار
ايه راح تجي أيام تاخذين كورسات وانتي تطبخين عادي
وانتي رايحة الدوام عادي
وانتي جالسه مع أهلك عادي
وانتي في السوق تنتضرين في طابور الحساب عادي 
وانتي في الانتضار في المستشفي لموعد اسنان عادي
وصدقيني اذا صرتي تبغين تتعلمين فعلا راح تتعلمين في أماكن عمرك ماخطر في بالك انه ممكن تتعلمين فيها
بس راح تتعلمين
مايهم كيف تعلمتي ولا وين تعلمتي ؟ 
هي تعلمت مع ٤ ساعات في هدوء وسكون وكوب قهوة وانتي تعلمتي في حرب ضروس
في الاخير 
لما تكون هي كاتبه فنانه مثلا وانتي كاتبه فنانه مايهم كيف كل وحدة تعلمت ووين تعلمت
المهم انك عرفت ووصلت للمكان اللي نفسك فيه زيك زيها
بس لازم نعرف ان احلامنا تحتاج مقومات ومهارات عجبنا ولاماعجبنا لازم نتعلمها ونتعلمها بسرعة لان الوقت صار يخطفنا.




اهتمي بوقتك انتي ام 

ايه ام معناتة وقتك محدود معناتة أولى أولوياتك هي اطفالك ونفسك صعب جدا يكون للناس مكان فيهم
اذا انتي قررتي مثلا تكونين رسامة ورسامة فنانة معناته في اشياء كثيـــر لازم تتعلمينها لازم تمارسين الرسم وبكثرة .

الوقت اللي انتي برا كل نهاية اسبوع في بارتي وهيصة راح يكون مجرد سعادة لحضيه لاأكثر ولاأقل ولما تمر الايام وتشوفين رسم يسحر بنفس المستوى اللي تتمنين توصلينة لاتزعلين ولاتقولين أنا نفسي كذا الفرق بينك وبينها انها هي قول وفعل وانتي مجرد قول فقط
لاتزعلين ^^
هذي الشي طبيعي وكلنا نسويه انك تفهمينة بدري افضل من انك تفهمينة متأخر

سناب - انستقرام - فيس بوك 
يااما تقاطعينها اذا ماكان لها فايدة في المجال اللي انتي تبغين تتعلمين فيه
أو توجهينها اذا كانت تلعب دور مهم .

 مثلا وحدة تبغا تصير مترجمة :
هالاشياء ضروري تسوي لها cut عضيم لأنها حرفيا فقط الهاء وتشتيت . 

بس انسانه مهتمة بالتسويق والمحتوى راح تسوي حذف لكل الناس اللي مايختصون بهالمجال
وراح تخصص حسابها لكل المختصين بمجال التسويق فقط فقط فقط 

ومع كل هذا مازلت مؤمنة ان كل مواقع التواصل تعطينا بمقدار ٣٠٪ بالميه معرفة جديدة في الاشياء اللي نبغاها فعلا باقي الاشياء مجرد مكس من اشياء تعجبنا وتثير فضولنا بس ماتضيف لنا اي شي .

أذا تبغين تقضين وقتك في شي عالنت اقضيه على .. 
هذي اللي فعلا راح تعطيك في كل ساعة ٩٠٪ معرفة جديدة الشي اللي عمرك ماراح تلاقينة في السوشال ميديا
وقتك هو اهم عنصر في النجاح
لما تعرفين كيف توجهينه وكيف تعودين نفسك ان الوقت مهم راح تكونين اقل تسويف ومره على مره راح تنجزين اكثر
ايه راح تكونين اخر اليوم تعبانة جسديا وتحسين عقلك مزحوم بس سعيييدة وسعيدة مره صدقيني 
جربيها لو شهر وقاطعي كل التواصل الاجتماعي وركزي على شي واحد اذا ماشفتي فرق تعالي هنا سويلي بلوك ^^







٣ - لاتطولين في الزعل والمشاعر  

كزوجة وام تجي عليك مشاكل زيك زي لما تكونين بنت بس الفرق لما تكونين ام معناه انتي اللي لازم تحلينها وهذا شي مو سهل .
لحضات الحل الوحيد انك لما تكونين في قمة المشكله وجهي اهتمامك لشي انتي تحبينة وبعدين ارجعيلها لاتستنزفين طاقتك في حل الامور وتتحملين مسؤولية كل شي .
تناسي تغاضي وعدي كثير مو عشان احد بس عشان نفسك انتي ناويه تصنعين شي جميل في العالم نحتاجك قويه وبكامل طاقتك .


٤ ـ   قومي بدري 
    قومي بدري
    قومي بدري 

 هذا الشي اللي لازم يكون اول شي وبالخط العريض صدقيني راح تصنعين السحر بقومة الصبح

الحل الوحيد بالنسبه لي مع بنتين طاقتهم ماشاء الله خياليه كان اني انام بدري واقوم بدري وحتى لو نمت متاخر لازم اقوم بدري المهم الصباح وانا لازم نلتقي باي شكل من الاشكال وكتبت عن هالشي هنا ☘
قامو وراك شله الانس كالعادة حطي مخدات وبطانيات بالغرفة اللي تجلسين فيها تتعلمين وخليهم يكملون نومهم هناك لاتفكرين ترجعين تنومينهم عالسرير معك لانك راح تنامين معهم


وبس هذي مجرد فضفضة كالعادة من سالفة لازم اكتب كل يوم هههههه تحملوا ^^