مساء الخير يامتابعيني الجميلين

وحده من خواتي حفضها الله انخبطت نعم انخطبت من فتى لطيف ضريف

وطبعا اكيد لازم نسوي لها عزيمه خطوبه او حفله خطوبه او مدري شيسمونها

 قررنا نخليها زغنونه في البيت وحبتين معازيم بدون زجمه وقروشه ومصاريف اهم شي

يعني بدون قاعات وبوفيهات وحوسه

بالبيت واهله وشوي من اهلنا

تلبس فستان ناعم وبوفيه هاديه وعشاء وننبسط مع الاهل والاحباب

فبينما انا افكر في تلك الحفله قررت اسوي شي مهو حولي ابد

 وللآكيين قررت اصير سنعه واسويه

نعم سأصبح سنعه  

 

راح اسوي بأذن الله توزيعات

صدق اني مطفره وضيعت مصروفي هالشهر على خرابيط مامنها فايده وياني متحسفه

بس راح اسويه لو اجيب سله امي هذيك الملونه القديمه  اي اي اللي شبر غبار

واحط فيها حلاو مص 

 

 اول شي جبت محفضتي وحددت الميزانيه

كانت 200 وبعدها اعلن افلاسي .. عالحدييده توب التوب

طيب من وين راح اشتريها من شارع السويلم زحمه وحوسه بس الطفره وماتسوي

حسسنن

باقي الفكره

بروح واشوف وبتطلع الافكار هونيك 

 رحت ودخت

اشيآء خيآل وتوزيعات شفتها عند بنات يالانستقرام جدا وهاشتاقات الاجانب اغلب الافكار والخامات متوافره هناك

وبالذات البوكسات حاجات تفتح النفس كان ودي اخم المحل كله

وجدا اسعارها معقوله .. وترا فكرتي ذي ارخص شي على وجه الارض >> ;يعني كانت عيوني كذا على كم توزيعه

  بس نو بروبلم ميوسا ,, الطفره لاتعني عدم الابداع >>

فايتينق 

طيب نبدا

اول شي العلبه او البوكس اللي بنحط فيه الاغراض

لقيت معدنيات جدا اشكالهم جميله وتواجه بس طلعت ب3 ريال المقاس اللي ابغاه وانا ابغا 40 حبه يعني يمكن 120 ولسا باخذ اغراض ثانيه قلت عايدي اصلا مو حلوه >> لاتكابرين يالطفرانه

ولقيت بلاستيك اللي هي هذي بالوان كثير بس هاللون عجبني ويوحي انه معدني  

المهم ب60 ريال الصندوق اللي 42 حبه يعنني انها حبتين مجانا

   وهذا هو مغلف من داخل باكياس 

 

 اكياس اورقنزا  |  كل كيس فيه 12 حبه ب5 ريال . خذت 4 اكياس ,

شرايط |   الحبه ب5 ريال فيها كثير خذت 3 الوان.

 ريش  |  الكيس ب2 ريال خذت كيسين بس مااستخدمتهم.

الورق المقصقص  |  الكيس ب2 ريال خذت اثنين .

 

 

 

هذي الوان الشرايط

 

 

 

 

 

  وهذي لفه الفرو بالكيس بعد مافتحته

 

كل هالاغراض سكرت تقريبا100 ريال 

يعني الميزانيه في السليم

 

 

 ومريت فص ولوز وخذت كاكاو محشي بقطع بسكوت

ومالقيت الا هالنوع مستكه اضن فيه 50 حبه .

و4 اكياس باونتي الصغير نسيت ماصورته .

وشريت بلونات بيضا بعد نسيت ماصورتها >>وش اللي ذكرتي اجل

 

طبعا جلسنا اربعتنا انا وخواتي وقطوتنا الصغيره نسوم 

جت وعطيناها هالشغله راحت فرشت سجادتها العجيز الصغيره وجابت عشاها المدام وجلست تحط بالاكياس 

وكل ماجا احد عندها تقوله هذي فكرتي

 

  

قصصنا الفيونكات اللي بنلصقها

وبدا الشغل

في العلبه حطينا شوي ورق مقصص + بلونه بيضا نسيت ماصورتها + الكيس اللي فيه الباونتي والكاكاو والمستكه 

وخلصنا التوزيعات 

حاجه بسيطه وخفيفه وماكلفتني كثير واستمتعنا وحنا نسويها 

جدا جميـله الاشياء اللي نشتغلها بتعب يدينا 

 

 

 

 

ان شاء الله اكون افدتكم لو بالقليل من هالتدوينه .. ودمتم بخـير

لفته :

 بعض الافكار اللي لقيت نفسها ونفس الخامات بشارع السويلم محل ( بدون موعد )