تجربه حياه

مارس 28, 2013














(  عندما يكون مالديك غير كاف  )
 كتاب قريت عنوانه بجرير

وحسيته كانه يعرفني يتكلم عني أي أي انا 
:d:

احس اني اتعب عشان ارضي هالعالم وقد مااكون اكون لبقه ومااجرح شعورهم وهم كل مالهم يزيدون

المهم مالكم بالطويله شفته وخذته علطول:احبتس:

وبديت اقرا فيه


كانت بدايته عكس الكتاب وبدا يخيب املي منه بس فايتينق  :5: 
لازم احارب ملل القراءه اللي دايم فيني واكمله


وكملته  جد بالوسط بدا يعيشني جو  انه هالاخ عارفني وعارف وش اللي ينرفزني في العالم .


تكلم عن انك ماتحاول ترضي الكل لان هذا يسمى ضعف ابد مارح يحسون فيه اللي حواليك .
:خايف:


\ولاتفني حياتك لناس انت كل مره تشوفهم ماقاعدين يبين فيهم المعروف عاد هو ماقال كذا
:11:


بس مجازيا سلكو انتو بس
:d:


وكانت يتكلم على الناس اللي ماتشوف الاالاشيا السلبيه وسماهم المزعجين

 وناستهم انهم يرسمون على وجهك الكابه يحسون انهم اقوى ومن هاذا القبيل

عاد مسكت الافكار اللي فيه
 وقلت ميسو بعد شبدي :tashje3pinky:

فايتينق 

راح اطبقها كلها عالناس ماعد اهلي
 :writingbaby:

 وصحباتي المقربين والناس الكبار بالعمر عاد مانمصخها >>هذولا استثناء بالحياه







^.^



اوكيشن   \

هالناس المزعجين والمتنمرين اللي مالها داعي والنفسيات البجيحه اللي يقولون كلام وانا اقول في نفسي ماقصدهم كذا ولو عندي رد لكلامهم احس اني ماودي اجرحهم زي ماجرحوني واسكت واحتسب الاجر .:stopsign:
 :hamtoro:





مره صديقتي قالتلي ترا انا ادري انك ماودك تجرحين احد بس ترا هالنوعيات ماتنجرح وانتي كلامك ورده فعلك مارح تكون قاسيه بس بتعطي حضراتهم خبر ان انتي هالشي يضايقك وان حدكم هنا وبس
:5alo:

لاتخلينهم يطغون عليك بالطيبه الزايده



ايوا كل ماتنازلتي عن شي وشافوكي مستغنيه عن هالشي ومخليتلهم الحبل على الغارب راح يطغون عليك بكلامهم واذيتهم


  طبيعه الانسان تشوف انسان مستغني عن شي تطغي عليه في هالشي


وكلامها كان شي ساندني في اني اتغير لبا قلبها .
:)












وبدات الانطلاقه تيرراراام
:ksho5ey:

صقل الشخصيه + احترامها + تحديد الحدود لبعض النفسيات







نبدا


1- احترم نفسي وازيد من ثقتي بنفسي

اول شي كتبت بممذكراتي

اشياء في كياني الخارجي جميله للغايه

1-:redloverose: 

:redloverose: 2

 3:redloverose:

أشياء في طباعي جميله للغايه

1:redloverose:

2:redloverose:

3:redloverose:

مهارات خبيره فيها

1:redloverose:

2:redloverose:

3:redloverose:

اطراءات  وجماليات علمت بها من بعضهم

1:redloverose:

2:redloverose:

3:redloverose:

شي خاقين عليه العالم فيني

1:redloverose:

2:redloverose:

3:redloverose:

أشياء مش ولابد فيني بس تحليني

1:redloverose:

2:redloverose:

3:redloverose:

2- عززت القراءه بوقتي .

3 - والمحاضرات وقت الشغل اشغلها بالايفون

شغلت وقتي وصارت عندي حصيله معلومات خلتني اقدر نفسي اكثر

4- سجلت في دار للتحفيظ وهذا كان  
احلى واكثر :dreamheart:
 شي حبيته من برنامجي اللي سويته.

وبديت اعزز ثقتي بنفسي باني مااتذكر الا الاشياء الايجابيه فيني وماافكر بغلطي كثير اتعلم منه وارميه وراي :heartlamp:


وابدن ماأتعود اقول اشيا سلبيه مثلا صار شي ليش  انا دايم كذا مابغا اعزز هالخصله فيني 
لااقول انه الضروف مو انا اللي تسبب بهالموقف وان المرات الجايه بتكون أحسن 
وراح اكون قد الموقف . :up:

وحسيت اني بديت اتحسن صار مايبان علي اذا انحرجت صرت اتحكم ينفسي اكثر

وصرت واثقه من شخصيتي اكثر 
والاهم اني حبيت ذاتي .:yeswin:




وهالنقطه لازم نهتم فيها كثير  لاني بقدر ثقتنا بانفسنا راح نبان واثقين بردودنا وحتى نضرتنا نضره واثقه.:brsh:

طيب نبدا بالنسبه

لتحديد الحدود مع العالم المزعجه والبجيحه .



1 _ اذا احد قالي كلمه مااعجبتني مااستسغتها لازم يوصله خبر وفي الحال بدون تاخير ان كلمتك يالطيب مابلعتها وماعجبتني كلش .:5thinking:



2 – اذا احد انتقد فيني شي بوضوح انتقد فيه نفس الشي بوضوح ايضا  وخزه خفيفه عشان يحس .:plusheart:


مثلا جت وحده قالتلي ( انتي كذا ماتتغيرين دايم عصلا اقولها قصدك رشيقه وانتي دايم ماتتغيرين كذا دوبا ):D


طبعا اراعي ان هالانسانه بالعاده تقول هالكلمه ولااول مره لها لان في ناس ماقصدهم وفي ناس يغثونك بنفس الكلمه كل مره .:007:


3 _ اذا احد طلب مني طلب (فوق طاقتي ومااتحمل ) اوقف ستوب واقولها بودي بس مارح اقدر ..  >> وهذي اكبر شي يقابلنني واعجز اقول لا


4 – واذا احد سالني عن شي بمصخره وكررها اكثر من مره اجاوبه بنفس الاسلوب :18:

 


مواقف صارت لي

موقف علمتني صديقه منه الكثير 


مرا قريبه لي قالتلي .. لما نروح جمعه الناس الفلانيه  الاحظ عليك شي ترتبكين وتحسين ان فيك شي غلط ..

 لان يااما الناس يحاولون يتفادونك او يعطونك نضرات عاديه نضرات فارغه من أي شي


قالتلي الناس عامه والنساء بالذات شخصيات تغار وتحتر من أي انسانه جميله او جسمها جميل

او

 حتى يمكن شي عادي فيك هي متشققه عليه ومو لاقيته فتحاول تخليك مهمشه بالمكان لان وجودك وبروزك يضايقها


فكل مالقيتي حريم يتجاهلونك لادنى سبب

اعرفي

 ان ثقتهم بنفسهم ناقصه وانك جميله بعيونهم في شي وقاهرهم هالشي بالعكس خليك واثقه .. ولايهمونك ..


الناس الواثقه من نفسها تستقبل وتتاقلم مع ايا كان وتكون فاتحه قلبها لتتعرف على أي احد ..

الثقه بالنفس ,, تغير الكثير والكثير والكثير  >> حشا فيري:D




مواقف صارت لي بعد ماطبقت الكتاب ومخمخت عليه



مره كنت اسولف في الدوام مع زميلتي اقولها الجسم اهم شي .. كل ماوصلتي للوزن اللي تبغينه تتهنين باللبس اكثر واكثر


قالتلي وحده ثانيه مالها دخل بالسالفه على اساس ينقال لجسمك المثالي شوي وتصيرين  مشروع عود اسنان وضحكت ضحكه استزراء رديت عليها وهي كانت مليانه شوي قلتلها احسن من اللي شوي ويصير مشروع برميل نفط 


وضحكت بتسليك ثم بلمت وسكتت لانها دايم تدقدق بهالحركات فيني ودايمن كنت انحرج واسكت


كذا احس شافت كاني خطيت سور بيني وبينها كذا احس اني دقيت رقبه :ya`a`h: وانا اشوف نضره الاحترام بعيونها .


وكل مره ارجع البيت احس يوجعني قلبي بس هم اللي حدوني
تكسير المجاديف هذا بطلوه :dandana:

 



وبقدر احترامك لنفسك وتقديرها الناس بتقدرك وتحترمك بعد .



موقف آخر  انسانه
 كنت احترمها واقدرها كانت قريبه لي زوجه انسان قريب لي

وكنت

دايم اذكرها اذا رحت مكان باي شي بسيط واحاول احسسسها ان احنا اهلها واساندها باي شي تطلبه


وامدحها عند الناس بسس ولا شي ماكنت الاقي كلمه شكر ابد كان اللباقه والذوق العام محذوفين من قاموسها


 لبست لبس الكل خق عليه وكثير سالوني من وين شاريته يعني شي متاكده انه \ توب وجميل


لبسته ورحت لعندهم بجمعه شافتني قالتلي وش هاللبس 


تعالي غرفتي عندي بلايز احلى من كذا قلت لا والله وش فيه هالبس قالت مخليك مدري كيف ... و... ,,,,


قلتلها لولا اختلاف الاذواق لبارت السلع انا احب هاللبس مرا شكرا
 قالتلي انا ابغا مصلحتك وابغاك تطلعين بمنضر حلو تعالي دولاب ملابسي مليان ملابس .. وش هالذوق اللي معك ياربيه  وصارت محادثه طويله بس طبعا ماغيرت لبسي ولاشي خير ياماما


كانت رده فعلها تناقض للي اسمعه من الناس


خلاصه الموضوع اني قلت في نفسي كيف الواحد لما يتشبث بذوقه يصير اذواق الناس عنده ولاشي وذوقها كان عكس ذوقي وانا اشوفه قديم مرا بس ضحكت بنفسي وحسيتها مسيكينه وماخذت عليها


بس تكررت وتكررت وتكررت وابد ما كنت منتبهه ان هالانسانه واصله حدها مني لين مانبهتني صديقتي سريعه البديهه عليها


:pissedoff2:شافتها بزواج ومن اول جلسه معها قالتلي ذا الانسانه غيوره . واحسها تشبه ميسر حق فطمه بحركاتها
:مابي:



وبديت الاحظ واتذكر مواقفها وانتقاداتها المتواصله


وبديت اطبق اللي بالكتاب عليها



من جد تغيير 180 درجه


صارت تحترمني وتمدحني وتتشكر على أي شي تافه اسويه لها


واذا حتى حست انها هه هه هه ضايقتني بكلمه تصجني بالوت ساب اعتذارات والشي يكون جدا تافه

وربي استغربت ماتوقعت رده هالفعل وانا الشي الوحيد اللي سويته



اني تنتقد انتقد
:21:


تتمصخر اتمصخر
:d:


تجرح اجرح
 :3:


اضف الى ذالك اني مااعطيها وش ابد .


 مو لاني ابغاها تتغير بس خلاص احس اني عفتها من حركاتها السامجه معي وصرت استصغرها كثير مو بيدي حتى .


واخيرا هالتعامل للنفسيات اللي تعبت معاها واذتني اكثر من مره ومرتين وثلاث بكلام سامج ويسم البدن ..
حاولت اعتبره من صنائع المعروف .. وعدم اذيه مسلم بس ماش كل مااسكت يتمادون اكثر واكثر ,, 




وتحولت مسمسا



 من شخصيه ساكته عن حقها الى فتاه شخصيه يحترمونها من اول مايشمون عطرها جاي >> لالاعاد  هوامير الصحراء 
:d:



وماقبل الاخير احب اقول اني في ناس يالبا

ينحطون عالجرح يبرا :d:

عفوين
:1heart:

 وطيوبين
:1heart:


وجلستهم تسرسح عالقلب سرسحه:1heart: 
 هذولا اللي تحطهم بعيونك وتعاملهم باحسن من الحسنى .:1heart::1heart:


اول شي اللهم لك الحمد
:dreamheart:

ثم شكرا للناس اللي من جد يحبوني ومقدرين طيبتي ونبهوني على اشياء بذوق ولباقه ..

والكتب الي قريتها وثقفتني من جد الكتب حاجه لازم الواحد يخليها بنضام حياته

وهما كتابين (كيف تكسب الاصدقاء وتوثر في الناس )

وعندما يكون مالديك غير كاف )

الكتاب الاول ينمي الذوق وفن الاطراء عندك :10:

والثاني يقولك ان مو كل الناس تجرب عليهم الكتاب الاول ^^:devil3:



اقتباسات من الكتاب الثاني من تصويري  





   





















 واخيرا حابه اقول .. مو عيب ان الانسان يحاول يغير شخصيته للأحسن ..
ويصقل ذاته .. وياحلاه التعب لما تتعب على ذاتك وتشوفها تنجح باهدافها لو باشياء صغيره .. 
يمكن هذا شي  عادي بالنسبه للبعض بس انا تعلمت منه كثير ..~
واحبكم ياجميـلين


   :cuet cute:
 اراكم في تدوينه .. اخرى احبتي ..~






Tags: , , , , , , , , ,

You Might Also Like

2 التعليقات

  1. classy30 مارس 2013 في 3:52 ص

    ياجمالك ياجمالك

    البوست يجنن يجنن يجنن

    استفدت منه وحبيت الكتب

    كلامك صحيح قريبه من تجربتي مره

    بس الحمد لله

    المهم ان لا نفكر بمامضى ولا ماهو ات

    مررره شكرا ماانحرم من تدويناتك الجميله

    ردحذف
  2. classy6 أبريل 2013 في 12:25 ص

    البوست رائع رائع رائع بجد

    شكرا من اعماق قلبي

    حبيت سردك والكتب

    ردحذف

اسعدني برأيك ^^

Instagram